गौर,कात्तिक २९
रौटहटमा प्रहरी र अज्ञात समुह विचको गोली हानाहानमा एकजना अज्ञात व्यतिको गोली लागेर निधन भएको छ भने एक प्रहरी सुरेन्द्र चौधरी घाईते भएको छ ।
सोमबार विहान करिब ५ ः ४५ बजेतिर देवाही र करुनिया गाविसको बिचमा लालबकैया नदीउ किनारमा दोहोरो गोली हानाहान भएको मध्य क्षेत्रिय प्रहरी कार्यलय हेटौँडाले जानकारी दिएको हो । भन्सार छलेर नेपाल सामान ल्याउदै गरेको सुचनाको आधारमा गस्तीमा गएको प्रहरीमाथि ति अज्ञात बन्दुकधारीले एक्कासी प्रहरीमाथि गोली चलाएको प्रहरीले स्पष्ट पारेको छ ।
प्रहरीले घटनास्थलबाट एक थान इन्सास राइफल , एक थान इटालियन पेस्तोल र एक थान नलकटुवा बन्दुक तथा तिनमा लाग्ने गोलीहरु बरामत गरिएको प्रहरीको दाबी छ । घटनाबारे अनुसन्धान भइरहेको प्रहरीले जनाएको छ ।
