कञ्चनपुर,
कञ्चनपुरमा भारतीय सिमा सुरक्षा बल एसएसबिको गोली लागेर १ जना नेपालीको ज्यान गएको छ । कञ्चनपुरको आनन्द बजार नजिकै नेपाली पक्षले बनाउनदै गरेको कल्भर्ट भारतीय सिमा भित्र परेको भन्दै एसएसबिले रोको थियो । नेपालको सिमामा पर्ने कल्भर्ट गुगुल म्यापले भारतको सिमाभित्र देखाएको भन्दै भारतीय सिमा सुरक्षा बल एसएसबिले नेपाल प्रवेश गरि नेपालीलाई कुुटपिट गरेको थियो ।
नेपालीलाई कुटपिट गर्न थालेपछि स्थानियले प्रतिरोध गरेका थिए । नेपालीबाट प्रतिरोध हुन थालेपछि भारतीय पक्षले गोली चलाएको थियो । बुधबार साँझ एसएसबिले नेपाल प्रवेश गरि स्थानिय कुट्न थालेपछि बिवादले उग्र रुप लिएको हो
। बिहाबार बिहानै देखि नेपाली पक्षले भारतीय हस्तक्षेप विरुद्ध प्रदशन गरेका थिए । प्रदशन उत्कर्षमा पुगेका बेला भारतीय पक्षको गोली लागेर स्थानिय गोविन्द गौतमको मृत्यु भएको छ । अहिले नेपाल प्रहरीका अधिकृत र भारतीय एसएसबिका प्रतिनिधिबिच छलफलमा जुटेका छन् ।
