असोज २९,
नेपाली महिला क्रीकेट टोली थाइल्यान्डमा आगामी नोवेम्बर २७ देखी सुरु हुने “वोमेन्स एसिया कप २०१६”को लागी छनोट भएको छ । आज सम्पन्न बिश्वकप छनोटको अन्तिम खेलमा चाइनालाई ४ विकेटले हराउदै छनोट प्रतियोगितामा ६ अंक सहित दोश्रो स्थानमा रहदै नेपाल एसिया कपको लागी छनोट हुन सफल भएको हो ।
आज भएको खेलमा चाइनाले नेपाललाई २० वोभरमा ७ विकेटको क्षतिमा ८५ रन बनाउदै ८६ रनको लक्ष्य दिएको थियो । जवाफी ब्याटिङमा उत्रेको नेपालले १७.३ वोभरमा ६ विकेट गुमाउदै निर्धारित लक्ष्य प्राप्त गर्यो ।
नेपालले अब भारत, पाकिस्तान, श्री लन्का, बाङ्लादेश र थाइल्यान्ड सम्मिलित एसिया कपमा भाग लिनेछ ।
