पौष १५,
चौथो साफ वोमन्स च्याम्पियनसिप २०१६ अन्तर्गत समुह चरणको आज भएको अन्तिम खेलमा नेपाली महिला फूटबल टोलिले श्रीलंकालाई १-० गोल अन्तरले पराजित गर्दै लगातार तेश्रो जित दर्ता गरेको छ ।
नेपालले खेल अवधिभर निकै नै राम्रो मौकाहरु पाए पनि सफल हुन सकेन । खेल बराबरिको दाउमा रहेको श्रीलंका निकै नै रक्षात्मक भएर खेलेको थियो । तर खेलको ८७ औं मिनटमा श्रीलंकाको गुनवरदनेले आत्मघाती गोल गर्दै नेपाललाई जित दिलाएका थिए ।
यस सँगै नेपालको ९ अंक भएको छ र समुह बिजेताको रुपमा सेमिफाइनलमा प्रवेश गरेको छ । नेपालले यस प्रतियोगितामा ३ खेलमा १८ गोल गरेको छ भने कुनै पनि गोल खाएको छैन ।
